Let's follow Lord Gautama Buddha

Note: This page is to be translated to English.

“etaṃ bhagavatā bārāṇasiyaṃ isipatane migadāye anuttaraṃ dhammacakkaṃ pavattitaṃ appaṭivattiyaṃ samaṇena vā brāhmaṇena vā devena vā mārena vā brahmunā vā kenaci vā lokasmi”nti.

“Near Vārāṇasī, in the Deer Park at Isipatana, the Blessed One has set in motion the unexcelled Wheel of Dhamma that cannot be conducted by contemplative or brahman, deva, Māra, or Brahmā, or anyone at all in the cosmos.”

    - Dhammacakkappavattana Sutta

ගෞතම සම්මා සම්බුදුරජානන් වහන්සේ විසින් දේශනා කරන ලද ධර්මය සහ විනය චතුරාර්ය සත්‍යය අවබෝධය නම් අනුත්තර වූ දහම් ඇස ඇති කරගැනීම, නැණ ඇති කරගැනීම, පැන ඇති කරගැනීම, විද්‍යාව ඇති කරගැනීම, ආලෝකය ඇති කරගැනීම පිණිස පවතී. චතුරාර්ය සත්‍යය අවබෝධ කිරීම සියුම් කරුණකි. සියුම් උවත් එය අවබෝධ කිරීම නොකල හැකි නොවේ.

ධර්මය සහ විනය සමග අධර්මය සහ අවිනය මිශ්‍ර වීම චතුරාර්ය සත්‍යය අවබෝධ කිරීමට බාධා ඇති කරයි. පැවිදි සහ ගිහි නොයෙක් ධර්ම දේශකයින් පවසනා කරුණු ත්‍රිපිටක ධර්මය සහ විනය සමග සැසදීමට පසුබිමක් ඇති කිරීම තුලින් ධර්මය සහ විනය යනු කවරේද යන්නත්, අධර්මය සහ අවිනය යනු කවරේද යන්නත්, ත්‍රිපිටකයේ සඳහන් ධර්මය සහ විනය දොස් සහිතද, නැතහොත් දොස් රහිතද, චතුරාර්ය සත්‍යය අවබෝධ කිරීම පිණිස කෙතෙක් දුරට ත්‍රිපිටකය උපකාර කරගත හැකිද යන්නත් යන අවබෝධයන් බොහෝ දෙනා තුල ඇති කිරීම මෙම වෙබ් අඩවිය ආරම්භ කිරීමේ එක් අරමුණකි.

ඉහත පරිදි හෝ යම් අයෙක් හෝ පිරිසක් ධර්මය ධර්මය ලෙසටත්, අධර්මය අධර්මය ලෙසටත්, විනය විනය ලෙසටත්, අවිනය අවිනය ලෙසටත් පැහැදිලි කර ගැනීමට උත්සාහ ගැනීම එම පුද්ගලයාට හෝ එම පිරිසට චතුරාර්ය සත්‍යය අවබෝධය පිණිස උපකාරී වේ. නුවනැත්තෝ මේ හේතුවෙන් දහම් අවබෝධ කිරීමේ අරමුණ ඇතිව මේ උත්සාහයට එක්වෙත්වා!

භික්ෂූන් වහන්සේලා ධර්මය සහ විනය පිළිබඳව පරස්පර අදහස් දැරීම, පරස්පර ප්‍රකාශ කිරීම සහ පරස්පර ලෙස ප්‍රතිපදාවේ යෙදීම මෙකල සුලභව දැකිය හැක. සඞ්‌ඝයා බෙදී වෙන්වී ඇති විට පරස්පර අදහස් දැරීම, ප්‍රකාශ කිරීම සහ ප්‍රතිපදාවේ යෙදීම පහසුවෙන්ම කල හැකි වීම සහ එහි නිවැරදි බවක් සිදු නොවීම හේතුවෙන් අධර්මය සහ අවිනය වඩ වඩාත් ඉස්මතුවීම සිදුවේ. මෙලෙසින්ද සඞ්‌ඝයා බෙදී වෙන්වී සිටීම සම්බුද්ධ ශාසනයේ අභිවෘද්ධියට නොව අතුරුදහන් වීමට හේතුවකි, වහා වහා අතුරුදහන් වීමට හේතුවකි.

සඞ්‌ඝයා බෙදී ඇති විට යම් භික්ෂූන් වහන්සේ නමක් හෝ මහණ පිරිසක් නිවැරදි නොවන ප්‍රතිපදාවකට යොමු වේ නම් ඒ භික්ෂූන් වහන්සේ හෝ මහණ පිරිස ඒ වැරදි ප්‍රතිපදාවෙන් මුදවා හිත පිණිස පවත්නා නිවැරදි ප්‍රතිපදාවේ යෙදවීමට අන් භික්ෂූන් වහන්සේලා උත්සාහ කිරීම සමඟියෙන් වසනා සීමිත පිරිසක් අතර සිදුවිය හැකි උවත් බහුල ලෙසින් සිදු නොවේ. මෙවිට සඞ්‌ඝයා සඞ්‌ඝයා විසින්ම උපකාර රහිත බවට පත්වේ. මෙලෙසින්ද සඞ්‌ඝයා බෙදී වෙන්වී සිටීම සම්බුද්ධ ශාසනයේ අභිවෘද්ධියට නොව අතුරුදහන් වීමට හේතුවකි, වහා වහා අතුරුදහන් වීමට හේතුවකි.

ධර්මය සහ විනය යටපත්ව අධර්මය සහ අවිනය මතුවන විට අන්‍ය දෘෂ්ටිකයින්ද ගෞතම සම්මා සම්බුදුරජානන් වහන්සේ විසින් දේශනා කරණ ලදැයි අන්‍ය දෘෂ්ටීන් ගෙන හැර දක්වති. බෙදී ඇති සඞ්‌ඝයා පෙර කී පරිදි ඇතුලතින් සම්බුද්ධ ශාසනය වහ වහා අතුරුදහන් කිරීමට හේතු වන විට බාහිරින් ඇතිවන උවදුරක් වන බුදු දහම මේ යැයි අන්‍ය දෘෂ්ටිකයින් අන්‍ය දෘෂ්ටීන්ම ගෙන හැර පෑමද පහසුවෙන්ම සිදුවේ. මෙයද සම්බුද්ධ ශාසනයේ අතුරුදහන් වීමට හේතුවකි, වහා වහා අතුරුදහන් වීමට හේතුවකි.

මෙම වෙබ් අඩවිය ආරම්භ කිරීමේ අරමුණක් ලෙස පෙර කී පරිදි ධර්මය ධර්මය ලෙසටත්, අධර්මය අධර්මය ලෙසටත්, විනය විනය ලෙසටත්, අවිනය අවිනය ලෙසටත් බොහෝ දෙනා තුල අවබෝධය ඇති කිරීම උපකාරයෙන් ඉහත කී පරිදි සම්මා සම්බුද්ධ ශාසනය වහා වහා අතුරුදහන් වීමට හේතුවක් වන සඞ්‌ඝයාගේ බෙදී ඇති බැවින් මුදවා ගෞතම සම්මා සම්බුදුරජානන් වහන්සේ දේශනා කරන ලද ධර්මයටත් විනයටත් අනුකූල වන පරිදි සඞ්‌ඝ සමඟිය ඇති කිරීමට කටයුතු කිරීමද මෙම වෙබ් අඩවිය ආරම්භ කිරීමේ තවත් අරමුණකි. නුවනැත්තෝ මෙලෙසින්ද සලකා දහම් අවබෝධ කිරීමේ අරමුණ ඇතිව මේ උත්සාහයට එක්වෙත්වා!

ගෞතම සම්මා සම්බුදුරජානන් වහන්සේ විසින් දේශනා කරන ලද ධර්මය සහ විනය චතුරාර්ය සත්‍යය අවබෝධය නම් අනුත්තර වූ දහම් ඇස ඇති කරගැනීම, නැණ ඇති කරගැනීම, පැන ඇති කරගැනීම, විද්‍යාව ඇති කරගැනීම, ආලෝකය ඇති කරගැනීම පිණිස පවතී. චතුරාර්ය සත්‍යය අවබෝධ කිරීම සියුම් කරුණකි. සියුම් උවත් එය අවබෝධ කිරීම නොකල හැකි නොවේ. නුවනැත්තෝ මෙලෙසින්ද සලකා දහම් අවබෝධ කිරීමේ අරමුණ ඇතිව මේ උත්සාහයට එක්වෙත්වා!

Kamal Wickramanayake